OUR CLIENTS
உள்ளாட்சி அலுவலர்களின் பதவிக்காலம் மேலும் 6 மாதம் நீட்டிப்பு
உள்ளாட்சி அலுவலர்களின் பதவிக்காலம் மேலும் 6 மாதம் நீட்டிப்பு Posted on 29-Jun-2018 உள்ளாட்சி அலுவலர்களின் பதவிக்காலம் மேலும் 6 மாதம் நீட்டிப்பு

சென்னை, ஜுன் 29-

உள்ளாட்சி அமைப்புகளில் தனி அலுவலர்கள் பதவிக்காலம் நீட்டிப்பு தொடர்பான சட்டத்திருத்த மசோதா, தி.மு.க. உள்ளிட்ட எதிர்க்கட்சிகளின் எதிர்ப்புக்கு மத்தியில் நிறைவேற்றப்பட்டது.

உள்ளாட்சி அமைப்பு களின் பதவிக்காலம் முடிவடைந்த பிறகும், தேர்தல் நடத்தப்படாததால் உள்ளாட் சிகளை நிர்வகிப்பதற் காக தனி அலுவலர்கள் நியமிக்கப்பட்டனர். வார்டு வரையறை தொடர்பான பணிகள் முடிவடையாததால் தேர்தல் தொடர்ந்து தாமதம் ஆகிவருகிறது. இதனால் தனி அலுவலர்களின் பதவிக் காலமும் தொடர்ந்து நீட்டிக்கப்பட்டு வருகிறது. 

இந்நிலையில் தனி அலுவலர்களின் பதவிக்காலம் நாளையுடன் முடிவடைய உள்ளது.
எனவே, அவர்களின் பதவிக் காலத்தை மேலும் 6 மாதங்களுக்கு நீட்டிக்க வகை செய்யும் சட்டத்திருத்த மசோதா, சட்டசபையில் நேற்று தாக்கல் செய்யப்பட்டது.  மசோதாவை உள்ளாட்சித் துறை அமைச்சர் எஸ்.பி.வேலுமணி தாக்கல் செய்தார். அதில், வார்டு வரையறை பணிகள் இன்னும் முடிவடையாததால், பதவிக் காலம்  நீட்டிக்கப்படுவதாக தெரிவிக்கப்பட்டது.

அப்போது, சட்டத் திருத்தத்திற்கு தி.மு.க., காங்கிரஸ், இந்திய யூனியன் முஸ்லிம் லீக் உறுப்பினர்கள் எதிர்ப்பு தெரிவித்தனர்.  எனினும் சபையில் பெரும்பாலான உறுப்பினர்களின் ஆதரவு இருந்ததால், குரல் வாக்கெடுப்பின் மூலம் இந்த சட்டத்திருத்த மசோதா நிறைவேற்றப்பட்டது.  இதன்மூலம் உள்ளாட்சி தனி அலுவலர்களின் பதவிக்காலம் 4&வது முறையாக நீட்டிக்கப்பட்டுள்ளது குறிப்பிடத்தக்கது.

Label