OUR CLIENTS
நம்பிக்கையில்லா தீர்மானத்தை எதிர்த்து வாக்களிப்போம் சிவசேனா அதிரடி அறிவிப்பு
நம்பிக்கையில்லா தீர்மானத்தை எதிர்த்து வாக்களிப்போம் சிவசேனா அதிரடி அறிவிப்பு Posted on 20-Jul-2018 நம்பிக்கையில்லா தீர்மானத்தை எதிர்த்து வாக்களிப்போம் சிவசேனா அதிரடி அறிவிப்பு

மும்பை, ஜுலை 20-

மத்திய அரசுக்கு எதிராக கொண்டு வரப்படும் நம்பிக்கை இல்லா தீர்மானத்துக்கு எதிராக வாக்களிக்க உள்ளோம் என சிவசேனா கட்சி அறிவித்துள்ளது.

நாடாளுமன்றத்தின் மழைக்கால கூட்டத்தொடர் தொடங்கி நடைபெற்று வருகிறது. தெலுங்கு தேசம் கட்சி சார்பில் கொண்டு வரப்பட்ட நம்பிக்கையில்லா தீர்மானம் மீது விவாதம் நடத்த சபாநாயகர் சுமித்ரா மகாஜன் ஒப்புதல் அளித்தார். இதுதொடர்பான விவாதம் நாடாளுமன்றத்தில் இன்று நடக்கவுள்ளது. 

இதற்கிடையே, பாஜக தேசிய தலைவர் அமித்ஷா கூட்டணி கட்சியான சிவசேனா தலைவர் உத்தவ் தாக்கரேவிடம் நம்பிக்கையில்லா தீர்மானம் குறித்து தொலைபேசியில் பேசினார். அப்போது அவர் நம்பிக்கையில்லா தீர்மானத்தை ஆதரிக்க வேண்டாம் எனகேட்டுக் கொண்டதாக தெரிகிறது. இந்நிலையில், மத்திய அரசுக்கு எதிராக கொண்டு வரப்படும் நம்பிக்கை இல்லா தீர்மானத்துக்கு எதிராக வாக்களிக்க உள்ளோம் என சிவசேனா கட்சி அறிவித்துள்ளது. 

இதுதொடர்பாக, சிவசேனா கட்சி தலைவர் உத்தவ் தாக்கரே வெளியிட்டுள்ள அறிவிப்பில், நாடாளுமன்றத்தில் மத்திய அரசுக்கு  எதிராக கொண்டு வரப்படும் நம்பிக்கையில்லா தீர்மானத்துக்கு எதிராக சிவசேனா எம்.பி.க்கள் வாக்களிக்க வேண்டும் என அறிவுறுத்தி உள்ளார் என தெரிவிக்கப்பட்டுள்ளது.

Label