OUR CLIENTS
தூத்துக்குடி துப்பாக்கிச்சூடு அனுமதி பெற்றுத்தான் நடைபெற்றதா?- நீதிபதிகள் சரமாரி கேள்வி
தூத்துக்குடி துப்பாக்கிச்சூடு அனுமதி பெற்றுத்தான் நடைபெற்றதா?- நீதிபதிகள் சரமாரி கேள்வி Posted on 31-Jul-2018 தூத்துக்குடி துப்பாக்கிச்சூடு அனுமதி பெற்றுத்தான் நடைபெற்றதா?- நீதிபதிகள் சரமாரி கேள்வி

மதுரை, ஜுலை 31-

தூத்துக்குடி ஸ்டெர்லைட் காப்பர் ஆலைக்கு எதிரான போராட்டத்தின் 100வது நாளில் நடைபெற்ற துப்பாக்கிச் சூடு சம்பவம் அனுமதி பெற்றுத்தான் நடைபெற்றதா என்று மதுரை உயர் நீதிமன்றக் கிளை நீதிபதிகள் சரமாரி கேள்விகளை எழுப்பியுள்ளனர்.

தூத்துக்குடி துப்பாக்கிச் சூடு சம்பவம் தொடர்பாகவும், அது தொடர்பாக சிபிஐ விசாரணை கோரியும் தொடரப்பட்ட 14 வழக்குகள் திங்களன்று மதுரை உயர் நீதிமன்ற கிளையில் விசாரணைக்கு வந்தன. விசார்ணையின் பொழுது  நீதிபதிகள் எழுப்பிய வினாக்கள் வருமாறு: தூத்துக்குடி துப்பாக்கிச் சூடு முறையான அனுமதி பெற்றுத்தான் நடைபெற்றதா? முறையான உத்தரவு பெறப்பட்டதா? அல்லது வாய்மொழி உத்தரவா?

மே மாதம் 21-ம் தேதி இரவு 10 மணிக்குத்தான் ஊரடங்கு உத்தரவு பிறப்பிக்கப் பட்டுள்ளது. ஆனால் 22-ம் தேதி காலை துப்பாக்கிச் சூடு நிகழ்ந்துள்ளது. ஊரடங்கு உத்தரவு பிறப்பிக்கப்பட்டது முறையாக மக்களுக்குத் தெரிவிக்கப் பட்டதா? அது தொடர்பாக என்ன நடவடிக்கை எடுக்கப்பட்டது? சமூக வலைதள முடக்கம் தொடர்பான ஆவணங்களை தாக்கல் செய்யுங்கள். மறு ஆய்வுக் குழு நடவடிக்கைகள் தொடர்பான ஆவணங்களையும் தாக்கல் செய்யுங்கள்.

தூத்துக்குடி துப்பாக்கிச் சூடு தொடர்பாக முதன்முதலில் பதிவு செய்யப்பட்ட வழக்குகள் தொடர்பான விபரங்கள் தாக்கல் செய்யப்பட வேண்டும். இவ்வாறு நீதிபதிகள் தெரிவித்தனர்.
நீதிபதிகளின் கேள்வி களுக்குப் பிறகு அரசுத் தரப்பில் ஆஜரான வழக்கறிஞர் கூறியதாவது: ஸ்டெர்லைட் ஆலை போராட்டத்தின் 100-ஆவது நாளன்று அதிக வன்முறை சம்பவங்கள் நடைபெற்றன. 

அவை அனைத்துக்கும் சேர்த்து ஒரே வழக்காக விசாரிக்க இயலாது. வன்முறை சம்பவங்கள் தொடர்பான விடியோ ஆதாரங்களை பார்த்த பிறகுதான் நடவடிக்கை எடுக்கப்படுகிறது. தவறு செய்தவர்கள் யாராக இருந்தாலும் அவர்கள் மீது நடவடிக்கை எடுக்கப்படும். இவ்வாறு, அரசு தரப்பு வழக்கறிஞர் தெரிவித்த பிறகு வழக்கு விசாரணை செவ்வாய் கிழமைக்கு ஒத்தி வைக்கப்பட்டது.

Label