OUR CLIENTS
அமெரிக்க டாலருக்கு எதிரான இந்திய ரூபாயின் மதிப்பு சரிவு
அமெரிக்க டாலருக்கு எதிரான இந்திய ரூபாயின் மதிப்பு சரிவு Posted on 05-Sep-2018 அமெரிக்க டாலருக்கு எதிரான இந்திய ரூபாயின் மதிப்பு சரிவு

புதுடெல்லி, செப். 5
அமெரிக்க டாலருக்கு எதிரான இந்திய ரூபாயின் மதிப்பு தொடர்ந்து சரிவடைந்து இன்று ரூ.71.87 ஆக வீழ்ச்சி அடைந்துள்ளது.

அமெரிக்காவுக்கும் சீனாவுக்கும் இடையிலான வர்த்தகப் போர் பதற்றம், சர்வதேச சந்தையில் பெட்ரோலிய கச்சா எண்ணெய் விலை உயர்வு போன்றவற்றால் அமெரிக்க டாலருக்கு எதிரான இந்திய ரூபாயின் மதிப்பு முந்தைய வரலாற்றில் எப்போதும் இல்லாத அளவுக்கு ரூ. 71.87 காசுகளாக  இன்று வீழ்ச்சி அடைந்தது.

பங்குச்சந்தையில் இன்று காலை வர்த்தகம் தொடங்கியபோது, நேற்றைய டாலர் விலைக்கு எதிரான மதிப்பான ரூ.71.43 காசுகளுடன் ஆரம்பமானது. ஆனால், வர்த்தகத்தின் இடையே ரூபாய் மதிப்பு உயர்ந்து ரூ.71.40 காசுகளுக்கு வந்தது. ஆனால், பிற்பகலுக்குப் பின் மீண்டும் ரூபாய் மதிப்பில் வீழ்ச்சி ஏற்பட்டு வர்த்தகம் முடியும்போது நேற்றைய மதிப்பைக் காட்டிலும் கூடுதலாக 44 காசுகள் சரிந்து ரூ.71.87 காசுகளாக வீழ்ச்சி அடைந்தது. 

Label