OUR CLIENTS
பிரதமர் மோடியுடன்தமிழக முதல்வர் எடப்பாடி கே பழனிசாமி சந்திப்பு - எய்ம்ஸ் மருத்துவமனை பணிகளை விரைவில் தொடங்க வலியுறுத்தல்
பிரதமர் மோடியுடன்தமிழக முதல்வர் எடப்பாடி கே பழனிசாமி சந்திப்பு - எய்ம்ஸ் மருத்துவமனை பணிகளை விரைவில் தொடங்க வலியுறுத்தல் Posted on 08-Oct-2018 பிரதமர் மோடியுடன்தமிழக முதல்வர் எடப்பாடி கே பழனிசாமி  சந்திப்பு - எய்ம்ஸ் மருத்துவமனை பணிகளை விரைவில் தொடங்க வலியுறுத்தல்

புதுடெல்லி, அக்.8-
டெல்லி சென்றுள்ள தமிழக முதல்வர் எடப்பாடி பழனிசாமி இன்று காலை பிரதமர் மோடியை சந்தித்து, எய்ம்ஸ் மருத்துவமனை விரைவில் அமைவதற்கு நடவடிக்கை எடுக்கும்படி வலியுறுத்தியதாக தெரிகிறது.  

பிரதமரை சந்திப்பதற்காக தமிழக முதலமைச்சர் எடப்பாடி பழனிசாமி நேற்று டெல்லி புறப்பட்டுச் சென்றார். அவருடன் அமைச்சர் ஜெயக்குமார், தலைமைச் செயலாளர் கிரிஜா வைத்தியநாதன் மற்றும் உயர் அதிகாரிகள் உடன் சென்றனர். டெல்லி சென்றடைந்த முதல்வருக்கு, விமான நிலையத்தில், தமிழக அரசின் சிறப்பு பிரதிநிதி தளவாய் சுந்தரம் மற்றும் அதிமுக எம்.பி.க்கள். வரவேற்பு அளித்தனர்.  பின்னர் தமிழ்நாடு இல்லத்திற்கு முதல்வர் எடப்பாடி பழனிசாமி சென்றார். அங்கு அதிமுக எம்.பி.க்களுடன் அவர் ஆலோசனை நடத்தினார். 
 
இந்நிலையில் இன்று காலை தமிழ்நாடு இல்லத்தில் இருந்து புறப்பட்ட முதலமைச்சர் எடப்பாடி பழனிசாமி, பாராளுமன்ற வளாகத்தில் உள்ள அதிமுக அலுவலகம் சென்று எம்பிக்களுடன் ஆலோசனை நடத்தினார். 

பின்னர் பிரதமர் நரேந்திர மோடியை சந்தித்து பேசினார். இந்த சந்திப்பின்போது தமிழக திட்டங்கள், நிதி ஒதுக்கீடு, அரசியல் நிலவரம் மற்றும் பாராளுமன்றத் தேர்தல் உள்ளிட்ட பல்வேறு விவகாரங்கள் தொடர்பாக இருவரும் ஆலோசனை நடத்தினர்.  தமிழகத்தில் எய்ம்ஸ் மருத்துவமனைக்கான பணிகளை விரைவில் தொடங்க நடவடிக்கை எடுக்கும்படி பிரதமரிடம் வலியுறுத்தியதாகவும் தெரிகிறது. இந்த சந்திப்பின்போது  அமைச்சர் ஜெயக்குமார் உடனிருந்தார்.

Label