OUR CLIENTS
ரஷ்யாவுடனான அணு ஆயுத ஒப்பந்தத்தில் இருந்து வெளியேறும் அமெரிக்கா! -அதிபர் டொனால்ட் டிரம்ப் உறுதி
ரஷ்யாவுடனான அணு ஆயுத ஒப்பந்தத்தில் இருந்து வெளியேறும் அமெரிக்கா! -அதிபர் டொனால்ட் டிரம்ப் உறுதி Posted on 22-Oct-2018 ரஷ்யாவுடனான அணு ஆயுத ஒப்பந்தத்தில் இருந்து வெளியேறும் அமெரிக்கா! -அதிபர் டொனால்ட் டிரம்ப் உறுதி

வாஷிங்டன், அக்.22-

அணு ஆயுத ஒப்பந்தத்தை மீறிவரும் ரஷியாவுடன் இனியும் இணைந்திருப்பதில் அர்த்தமில்லை. அந்த ஒப்பந்தத்தில் இருந்து அமெரிக்கா வெளியேறும் என டொனால்ட் டிரம்ப் தெரிவித்துள்ளார்.

அணு ஆயுத பரவலை குறைக்கும் வகையில் அதிபயங்கர பேரழிவை ஏற்படுத்தும் போர் ஆயுதங்களை இனி தயாரிப்பதில்லை என ரஷியாவும் - அமெரிக்காவும் முன்னர் செய்துகொண்ட ஒப்பந்தம் நடைமுறையில் உள்ளது. 1987-ம் ஆண்டு டிசம்பர் மாதம் ரஷியாவும் அந்நாள் அதிபர் மிக்கயில் கார்பச்சேவ் - அமெரிக்க அந்நாள் அதிபர் ரொனால்ட் ரீகன் ஆகியோர் ஏற்றிகொண்டு கையொப்பமிட்ட இந்த ஒப்பந்தம் அதன் பின்னர் பதவிக்கு வந்த இருநாட்டு அதிபர்களால் அடுத்தடுத்து பத்தாண்டுகளுக்கு ஒருமுறை புதுப்பிக்கப்பட்டு வந்தது.

தரையில் இருந்தோ, கடலில் இருந்தோ 300 முதல் 3400 மைல் தூரம்வரை பாய்ந்து சென்று தாக்கும் அணு ஆயுத ஏவுகணைகளை இருநாடுகளும் ஒழிக்க வேண்டும் இந்த ஒப்பந்தத்தின் முக்கிய அம்சமாகும். 

1980&களில் அமெரிக்கா - ரஷியா இடையே ஆயுதப் போட்டிக்கான பனிப்போர் உச்சகட்டத்தில் இருந்த வேளையில் இந்த ஒப்பந்தத்தின் மூலம் ரஷியாவின் அருகாமையில் இருந்தவாறு அமெரிக்காவுடன் நட்பு பாராட்டும் சில நேச நாடுகளுக்கு ஓரளவு பாதுகாப்பு கிடைத்தது. இந்த ஒப்பந்தத்தை ரஷியா மீறி வருவதாக அமெரிக்க அதிபர் டொனால்ட் டிரம்ப் தொடர்ந்து குற்றம்சாட்டி வந்துள்ளார்.

இந்நிலையில், அமெரிக்காவின் மேற்கு பகுதியில் உள்ள நிவேடா மாநிலத்தில் சுற்றுப்பயணம் மேற்கொண்டுள்ள அதிபர் டிரம்ப், எல்க்கோ நகரில் செய்தியாளர்களுக்கு பேட்டியளித்தார்.
அணு ஆயுத ஒப்பந்தத்தில் உள்ள நிபந்தனைகளுக்கு ரஷியா கட்டுப்படவில்லை. அவர்கள் பல ஆண்டுகளாக மீறி வந்துள்ளனர். இதுதொடர்பாக, முன்னாள் அதிபர் ஒபாமா ஏன் பேச்சுவார்த்தை நடத்தி வெளியேறவில்லை என்பது எனக்கு தெரியவில்லை. எங்களுக்கு அனுமதி இல்லாத ஆயுதங்களை அவர்கள் தயாரிப்பதை இனியும் அனுமதிக்க முடியாது. எனவே, அந்த அணு ஆயுத ஒப்பந்தத்தை நாங்கள் ரத்து செய்யப் போகிறோம் என அவர் குறிப்பிட்டுள்ளார்.

Label