OUR CLIENTS
தமிழகத்தில் காலை ஒரு மணிநேரமும் இரவு ஒரு மணிநேரமும் பட்டாசு வெடிக்கலாம்: உச்சநீதிமன்றம் உத்தரவு
தமிழகத்தில் காலை ஒரு மணிநேரமும் இரவு ஒரு மணிநேரமும் பட்டாசு வெடிக்கலாம்: உச்சநீதிமன்றம் உத்தரவு Posted on 31-Oct-2018 தமிழகத்தில் காலை ஒரு மணிநேரமும் இரவு ஒரு மணிநேரமும் பட்டாசு வெடிக்கலாம்: உச்சநீதிமன்றம் உத்தரவு

புதுடில்லி,  

தீபாவளியன்று தமிழகத்தில் காலை 4 மணி முதல் 5 மணிவரையும், இரவில் 9 மணி முதல் 10 மணிவரையும் பட்டாசு வெடிக்கலாம் என உச்சநீதிமன்றம் இன்று உத்தரவு பிறப்பித்துள்ளது.

தீபாவளி போன்ற பண்டிகை நாட்களில் பட்டாசு வெடிப்பதால் காற்று மாசடைந்து, பொதுமக்களுக்கு பல்வேறு உடல்நலப் பாதிப்புகள் ஏற்படுகின்றன. இந்நிலையில் பட்டாசு வெடிக்கத் தடை விதிக்கக்கோரி தொடரப்பட்ட பல்வேறு வழக்குகளை உச்சநீதிமன்றம் விசாரித்தது.

இந்த வழக்கில் தீபாவளி அன்று இரவு 8 மணி முதல் 10 மணி வரை மட்டுமே பட்டாசு வெடிக்கலாம் என உச்சநீதிமன்றம் அதிரடி தீர்ப்பு வழங்கியது. மேலும் பட்டாசு தயாரிப்பு மற்றும் விற்பனைக்கு பல்வேறு நிபந்தனைகளையும் விதித்தது.

இந்நிலையில் பட்டாசு வெடிக்க கூடுதல் நேரம் வழங்கக்கோரி, தமிழக அரசு சார்பில் மனு தாக்கல் செய்யப்பட்டது. அதில், இந்தியா பல்வேறு கலாச்சாரங்கள் அடங்கிய கூட்டாட்சியின் அடிப்படையில் இயங்கும் நாடு ஆகும். ஒவ்வொரு மாநிலமும், ஒவ்வொரு பகுதி மக்களும் வெவ்வேறான பாரம்பரியம், கலாசாரம், நம்பிக்கை ஆகியவற்றை கொண்டு விளங்குகின்றனர்.

வடமாநிலங்களில் தீபாவளி இரவில் கொண்டாடப்படுகிறது. தமிழ்நாட்டில் நரகாசுரனை வதம் செய்ததை கொண்டாடும் வகையில் விடியற் காலையில் தீபாவளி கொண்டாடப்படுகிறது. எனவே தீபாவளியின் போது தமிழ்நாட்டில் வசிக்கும் மக்கள் அதிகாலை 4.30 மணியில் இருந்து 6.30 மணி வரை பட்டாசு வெடித்து பண்டிகையை கொண்டாட அனுமதிக்க வேண்டும் என்று கூறப்பட்டது.

இந்த மனுவை விசாரித்த உச்சநீதிமன்றம் இன்று முக்கிய தீர்ப்பு ஒன்றை வழங்கியுள்ளது. அதன்படி, தீபாவளியன்று தமிழகத்தில் காலை 4 மணி முதல் 5 மணி வரையும், இரவில் 9 மணி முதல் 10 மணி வரையும் பட்டாசு வெடிக்கலாம் என்று தெரிவித்தது.

தீபாவளியன்று தமிழகத்தில் பட்டாசு வெடிக்கும் நேரம் குறித்து விதிகள் பின்பற்றப்படுகிறதா என்பதை ஆட்சியர் தொடங்கி வி.ஏ.ஓ வரை அனைவரும் கண்காணிக்க வேண்டும். விதிகளை மீறுபவர்கள் மீது நடவடிக்கை எடுக்கப்பட வேண்டும் என்று உச்சநீதிமன்றம் உத்தரவிட்டுள்ளது.

Label