OUR CLIENTS
காங்கிரஸ் தலைவர்கள் அனைவரும் முட்டாள்கள்!
காங்கிரஸ் தலைவர்கள் அனைவரும் முட்டாள்கள்! Posted on 31-Dec-2018 காங்கிரஸ் தலைவர்கள் அனைவரும் முட்டாள்கள்!

ஐதராபாத், டிச.31-

காங்கிரஸ் தலைவர்கள் அனைவரும் முட்டாள்கள் என்று தெலுங்கானா முதல்வர் சந்திரசேகரராவ் நிருபர்களிடம் அளித்த பேட்டியில் கூறியுள்ளார்.

தெலுங்கானா முதல்வர் சந்திரசேகரராவ் ஐதராபாத்தில் நிருபர்களிடம் கூறியதாவது:- பஞ்சாயத்துராஜ் தேர்தலில் இதர பிற்படுத்தப் பட்டோருக்கு குறைந்தபட்சம் 50 சதவீத இடஒதுக்கீடு வழங்க வேண்டும் என்று உச்சநீதிமன்றம் உத்தரவிட்டுள்ளது. ஆனால் காங்கிரஸ் தலைவர்கள் இதர பிற்படுத்தப்பட்டோர் இடஒதுக்கீடு பற்றி முட்டாள்கள் போன்று பேசி வருகிறார்கள்.
எனது அரசு பஞ்சாயத்து தேர்தலில் 61.13 சதவீத இட ஒதுக்கீடு அளித்த புதிய சட்டம் கொண்டு வந்துள்ளது. ஆனால் அதற்கு எதிராக காங்கிரஸ் தலைவர்கள் ஸ்வப்னாரெட்டி, கோபால் ரெட்டி உயர்நீதிமன்றத்தை நாடினர். இட ஒதுக்கீடுக்கு உயர்நீதிமன்றம் தடை விதித்ததால் உச்சநீதிமன்றத்தை நாடி யுள்ளோம். உச்சநீதிமன்ற உத்தரவுப் படிதான் அவசர சட்டம் கொண்டு வந்துள்ளோம். உயர்நீதிமன்ற உத்தரவுப்படி ஜனவரி 10-ந்தேதி பஞ்சாயத்து தேர்தல் நடத்தப்படும். இதர பிற்படுத்தப்பட்டோர் இட ஒதுக்கீடு பற்றி நன்கு தெரியாமல் காங்கிரஸ் தலைவர்கள் பேசுவதை ஆராய்ந்தால் முட்டாள் தனமாக இருக்கும். அவர்கள் முட்டாள் தனத்தை வெளிக் காட்டுவதால் காங்கிரஸ் தலைவர்கள் முட்டாள்கள் என்று கூறுகிறோம்.
சந்திரபாபுநாயுடு இந்தியாவிலேயே மோசமான அரசியல்வாதி. அவர் அரசியல் மேனேஜர். தலைவர்அல்ல. எனது கட்சி எப்போதுமே ஆந்திராவுக்கு சிறப்பு அந்தஸ்து அளிக்க ஆதரவு தெரிவிக்கும். ஆனால் இந்த விவகாரத்தில் சந்திரபாபு நாயுடு தனது நிலைப்பாட்டை அரசியல் காரணங்களுக்காக மாற்றி வருகிறார். இவ்வாறு அவர் கூறினார்.

Label