OUR CLIENTS
கடலூர் சிறுமிகள் பலாத்காரம் பாதிரியாருக்கு 30 ஆண்டு சிறை!
கடலூர் சிறுமிகள் பலாத்காரம் பாதிரியாருக்கு 30 ஆண்டு சிறை! Posted on 08-Jan-2019 கடலூர் சிறுமிகள் பலாத்காரம் பாதிரியாருக்கு 30 ஆண்டு சிறை!

கடலூர், ஜன.8-

கடலூரில் 2 பள்ளி மாணவிகள் பாலியல் தொழிலுக்கு தள்ளப்பட்ட விவகாரம் தொடர்பான வழக்கில் மத போதகருக்கு 30 ஆண்டுகள் சிறை தண்டனை விதித்து கடலூர் மாவட்ட மகளிர் நீதிமன்றம் தீர்ப்பளித்துள்ளது.

கடலூர் மாவட்டம் திட்டக்குடி அரசு மகளிர் மேல்நிலைப் பள்ளியில் 8 மற்றும் 9 ஆம் வகுப்பு படித்து வந்த 2 சிறுமிகள் மாயமான நிலையில் அவர்களை வடலூரில் பாலியல் தொழிலில் ஈடுபடுத்திய சதீஷ்குமார் என்ற நபரிடமிருந்து போலீசார் மீட்டனர். திட்டக்குடியைச் சேர்ந்த தனலெட்சுமி என்பவர் மாணவிகளை மிரட்டி பாலியல் தொழிலில் ஈடுபடுத்தியதும், பின்னர் லட்சுமி, கலா, ஜெமீனா, சதீஷ்குமார் உள்ளிட்ட பலரிடமும் மாறி மாறி விற்கப்பட்டு பாலியல் தொழிலில் ஈடுபடுத்தப் பட்டதும் தெரியவந்தது.
இந்த வழக்கில் 16 பேர் குற்றவாளிகள் கடந்த வாரம் கடலூர் நீதிமன்றம் அறிவித்தது. இவர்களின் தண்டனை விபரம் நேற்று (ஜன.,07) அறிவிக்கப் பட்டுள்ளது. இவர்களில் தனலட்சுமி, கலா, ஸ்ரீதர், பாத்திமா ஆகியோருக்கு இரட்டை ஆயுள், 42 வருட சிறை தண்டனையும் , பாலசுப்பிரமணியனுக்கு 
4 ஆயுள் சிறையும் விதிக்கப் பட்டுள்ளது. மதபோதகர் அருள்தாசுக்கு 30 வருட சிறை தண்டனை மற்றும் ரூ.5 லட்சம் அபராதம் விதிக்கப்பட்டுள்ளது. அபராத தொகையை கட்ட தவறினால் கூடுதலாக 5 ஆண்டுகள் சிறை தண்டனை நீதிமன்றம் உத்தரவிட்டுள்ளது.

Label