OUR CLIENTS
கோபா டெல் ரே: ரியல் மாட்ரிட்டை 3-0 என வீழ்த்தி இறுதிப் போட்டிக்கு முன்னேறியது பார்சிலோனா
கோபா டெல் ரே: ரியல் மாட்ரிட்டை 3-0 என வீழ்த்தி இறுதிப் போட்டிக்கு முன்னேறியது பார்சிலோனா Posted on 28-Feb-2019 கோபா டெல் ரே: ரியல் மாட்ரிட்டை 3-0 என வீழ்த்தி இறுதிப் போட்டிக்கு முன்னேறியது பார்சிலோனா

கோபா டெல் ரே அரையிறுதியின் 2-வது லெக்கில் ரியல் மாட்ரிட் அணியை 3-0 என வீழ்த்தி பார்சிலோனா இறுதிப் போட்டிக்கு முன்னேறியது.

கோபா டெல் ரே கால்பந்து கோப்பைக்கான அரையிறுதி ஒன்றில் பார்சிலோனா - ரியல் மாட்ரிட் அணிகள் பலப்பரீட்சை நடத்தின. இரு அணிகளுக்கு இடையிலான முதல் லெக் ஆட்டம் 1-1 என சமநிலையில் முடிந்தது.
2-வது லெக் ரியல் மாட்ரிட் அணிக்கு சொந்தமான மைதானத்தில் நேற்று நள்ளிரவு நடைபெற்றது. இதில் பார்சிலோனா அபாரமான ஆட்டத்தை வெளிப்படுத்தியது.
முதல் பாதி நேரத்தில் இரு அணிகளும் கோல் அடிக்கவில்லை. 2-வது பாதி நேர ஆட்டத்தில் பார்சிலோனா வீரர்கள் ஆக்ரோஷமான ஆட்டத்தை வெளிப்படுத்தினர். லூயிஸ் சுவாரஸ் 50-வது நிமிடத்தில் முதல் கோலை பதிவு செய்தார். 69-வது நிமிடத்தில் அதிர்ஷ்டம் மூலம் அந்த அணிக்கு மேலும் ஒரு கோல் கிடைத்தது. ரபேல் வரானே ஓன் கோல் அடிக்க பார்சிலோனா 2-0 என முன்னிலைப் பெற்றது.
73-வது நிமிடத்தில் பார்சிலோனா அணிக்கு பெனால்டி வாய்ப்பு கிடைத்தது. சரியாகப் பயன்படுத்திய சுவாரஸ், அதை கோலாக மாற்றினார். அதன்பின் இரு அணிகளும் கோல் அடிக்கவில்லை. இதனால் பார்சிலோனா இரண்டு லெக்கிலும் சேர்த்து 4-1 என ரியல் மாட்ரிட் அணியை வீழ்த்தி இறுதிப் போட்டிக்கு முன்னேறியது.

Label