OUR CLIENTS
ஆந்திர மக்களுக்கு நம்பிக்கை துரோகம் செய்த மோடி முதல்வர் சந்திரபாபு நாயுடு
ஆந்திர மக்களுக்கு நம்பிக்கை துரோகம் செய்த மோடி முதல்வர் சந்திரபாபு நாயுடு Posted on 27-Mar-2019 ஆந்திர மக்களுக்கு நம்பிக்கை துரோகம் செய்த மோடி  முதல்வர் சந்திரபாபு நாயுடு

திருமலை, மார்ச் 27- 

திருப்பதியில் சந்திரபாபு நாயுடு தேர்தல் பிரசாரம் செய்து வருகிறார். அப்போது அவர் பேசியதாவது:-
திருப்பதி புனித தலம். தினமும் ஆயிரக்கணக்கான பக்தர்கள் திருப்பதிக்கு வருகின்றனர். இங்கு, ஆன்மிக அரசியல் நடக்க வேண்டும். ரவுடி ராஜ்யம் நடக்க அனுமதிக்கக்கூடாது. திருப்பதியை சுற்றி ஏராளமான தொழிற் சாலைகளை தொடங்கி உள்ளேன்.

திருப்பதி, நெல்லூர் ஆகிய பகுதிகளில் இன்னும் பல தொழிற்சாலைகளை தொடங்க உள்ளேன். திருப்பதி கல்வி நகரமாக திகழ நடவடிக்கை எடுக்கப்படும். திருப்பதியில் பல்கலைக்கழகம், மருத்துவக் கல்லூரி ஆகியவை புதிதாக தொடங்கப்படும். நான் மீண்டும் ஆட்சிக்கு வந்தால், அனைத்து வாக்குறுதிகளையும் நிறை வேற்றுவேன். ஏழை எளிய மக்களுக்கு திருப்பதியில் 9 ஆயிரம் வீடுகளை கட்டிக்கொடுத்துள்ளேன். இன்னும் வீடுகள் கட்டும் பணி நடந்து வருகிறது. திருப்பதி மருத்துவ நகரமாக மாற்றப்படும். 
சாமி தரிசனம் செய்ய திருப்பதிக்கு வரும் பக்தர்கள் இங்கேயே 3 நாட்கள் தங்கி மருத்துவச் சிகிச்சை பெறலாம். திருப்பதியில், ஸ்மார்ட் சிட்டி பணிகள் நடந்து வருகிறது. பூமிக்கு அடியில் மின்சார கேபிள் பதிக்கப்பட உள்ளது. 
பெண்களுக்காக, பத்மாவதி என்ற பெயரில் ஒரு தனித் தொழிற்சாலை தொடங்கப்பட உள்ளது. திருப்பதி, நம்பர் ஒன் நகரமாக திகழ நடவடிக்கை எடுக்கப்படும். ஆந்திரா, நிதி பற்றாக் குறையால் இருந்தும் பொது மக்களுக்காக எந்திரமாக உழைத்தேன். பல்வேறு நலத் திட்டங்களை செயல் படுத்தினேன். விவசாயி களுக்கு தடையில்லா மின்சாரம் வழங்கப்படும். எனது ஆட்சியில் 62 நலத் திட்டங்களை செயல்படுத்தி உள்ளேன். அதில் அந்திரி நீவா திட்டத்துக்கு முக்கியத்துவம் கொடுத்தேன். சித்தூர் மாவட்டத்தில் ஸ்ரீசிட்டி தொழிற் பேட்டையில் பல்வேறு நிறுவனங்கள் உள்ளன.  
அதில் செல்போன் நிறுவனங்களும் அடங்கும். வரும் காலத்தில் திருப்பதியில் 50 சதவீதத்தில் இருந்து 60 சதவீதம் வரை செல்போன்கள் தயாரிக்கும் நிறுவனங்களை தொடங்க ஏற்பாடு செய்வேன். 

Label