OUR CLIENTS
ஏரியை பராமரிக்க தவறிய அதிகாரிகள்!
ஏரியை பராமரிக்க தவறிய அதிகாரிகள்! Posted on 28-Mar-2019 ஏரியை பராமரிக்க தவறிய அதிகாரிகள்!

பாப்பிரெட்டிப்பட்டி, மார்ச் 28-

தருமபுரி மாவட்டம் பாப்பிரெட்டிப்பட்டி வட்டம் பையர்நத்தம் பஞ்ஞாயத்துக்கு உட்பட்ட பகுதியில் ஊர் அருகில் ஒரு பெரிய ஏரி உள்ளது.

இதற்கு ஏற்காடு மலைப்பகுதியில் இருந்தும் சுற்றுவட்டார பகுதியிலிருந்தும் நீரும் வண்டல் மண்ணும் வந்துசேருகிறது. இந்த ஏரியிலிருந்து சுமார் 500 ஏக்கருக்கும்மேல் பாசனவசதிபெருகிறது,  சுற்றுவட்டார பகுதியில் உள்ள சுமார் ஐந்து ஆறு ஊர்களுக்கும் இதில் உள்ள நீர் குடிநீருக்கு நேரடியாகவும் மறைமுகமாகவும் பயன்படுகிறது. 
இந்த ஏரியிலிருந்து வண்டல் மண்ணை பல ஊர்களுக்கு கொண்டுசென்று விவசாயிகள் தங்கள் நிலத்திற்க்கு உரமாக பயன்படுத்தினார்கள். 
இதனால் இந்த ஏரி ஆழமானது. மேலும் 100 நாள் வேலை மூலமும், ஏரியை தூர்வாரும் நிதியின் மூலமும் லட்சக்கணக்கில் செலவுசெய்து அகலம் மற்றும் ஆழப்படுத்தினார்கள். தற்போது இந்த ஏரியில் வீடுகளை இடிக்கும் மண்ணையும் துப்புரவாளர்களால் ஊரில் அள்ளப்படும் குப்பைகளையும் கொட்டி ஏரியை மேடுபடுத்தி வருகின்றார்கள்.  இதனால் இந்த ஏரியின் நீர்பிடிப்பு பகுதி குறைந்து நீரின் கொள்ளளவு குறையும் அபாயம் ஏற்பட்டுள்ளது. இதை ஊரக வளர்ச்சி அலுவலர்  மற்றும் வட்டார வளர்ச்சி அலுவலர்களிடம் முறையிட்டும் எந்த விதமான முன்னேற்றமும் இல்லை என்பதை மிகுந்த மனவருத்தத்தோடு ஊர்பொதுமக்களும், சமூக ஆர்வலர்களும் கூறுகிறார்கள். எனவே இதை மாவட்ட  ஆட்சியர் கருத்தில்கொண்டு உரிய நடவடிக்கை எடுக்க வேண்டும் என சமூக நல ஆர்வலர்களும், ஊர்பொதுமக்களும்  கோரிக்கை விடுத்துள்ளனர்.

Label