OUR CLIENTS
கோடை தொடங்கும் முன் குடிநீர் தட்டுப்பாடு மக்கள் வீதிவீதியாக அலையும் அவலம்!
கோடை தொடங்கும் முன் குடிநீர் தட்டுப்பாடு மக்கள் வீதிவீதியாக அலையும் அவலம்! Posted on 29-Mar-2019 கோடை தொடங்கும் முன் குடிநீர் தட்டுப்பாடு   மக்கள் வீதிவீதியாக அலையும் அவலம்!

வேதாரண்யம், மார்ச் 29-

 வேதாரண்யம் பகுதி கிராமப்புறங்களில் கோடை துவங்கும் முன் குடிநீர் தட்டுப்பாடு ஏற்பட்டுள்ளது. இதனால் பொதுமக்கள் குடிநீருக்கு வீதிவீதியாக அலையும் நிலை ஏற்பட்டுள்ளது.

நாகப்பட்டினம் மாவட்டம் வேதாரண்யம் தாலுகாவில் உள்ள ஆயக்காரன்புலம், கருப்பம்புலம், தென்னடார், தகட்டூர், தாணிக்கோட்டகம், வண்டுவாஞ்சேரி வாய்மேடு உள்ளிட்ட கிராமங்களிலும், நகராட்சி பகுதிகளிலும் கடந்த சில தினங்களுக்கு முன் ஆயிரத்துக்கும் மேற் பட்டவர்கள் வாந்தி வயிற்றுப் போக்கால் பாதிக்கப் பட்டு மருத்துவமனையில் அனுமதிக்கப்பட்டு சிகிச்சை பெற்றுவீடு திரும்பினர். இப்பகுதிகளில் கொள்ளிடம் குடிநீர் விநியோகத்தில் தொடர்ந்து பாதிப்பு ஏற்பட்டுள்ளது.
கஜா புயல் பாதிப்பு ஏற்பட்ட பின் மின் கம்பங்கள் சீரமைப்பு பணிகளால் குடிநீர் விநியோகம் தொடர்பான பணிகள் பராமரிப்பு பணிகள் சீராக நடைபெறாமல்  உள்ளது. தென்னடார் தகட்டூர் இடையே 4 கி.மீ சாலையில் 7 இடங்களில் கூட்டு குடிநீர் திட்ட குழாயில் பாதிப்பு மற்றும் காங்கிரீட் பாலங்கள் கட்டும் பணி தொடர்ந்து நடைபெற்று வருகிறது. இப்பணியின் போது குடிநீர் குழாய் கள் சேதமடைவதாலும், குடிநீர் விநியோகப் பணிகள் அவ்வப்போது பாதிப்புக்குள்ளாகின்றன. இதனால் தென்னடார் உள்ளிட்ட கிராமங்களைச் சேர்ந்த பொதுமக்கள் பாதிக்கப்படுகின்றனர். குடிநீர் விநியோகம் பாதிக்கப்பட்டுள்ள கிராமங்களில் மாற்றுக் குடிநீர் உள்ளதா என்பதை தொடர்புடைய அதிகாரிகள ஆய்வு செய்யவும் வேறு வழியில்லாமல் கிராம மக்கள் குடிக்கும் தண்ணீர் பாதுகாப்பானதா என்பதை சுகாதாரத் துறையினர் ஆய்வு செய்ய வேண்டும். 
தென்னடார் பகுதியில்  சேதமடைந்த குழாய்களை குடிநீர் வடிகால் வாரிய பணியாளர்கள் உடனே சீரமைக்க வேண்டும். குடிநீர் தட்டுப்பாட்டை போக்க டேங்கர் லாரிகள் மூலம் குடிநீர் விநியோகம் செய்ய வேண்டும். மேலும் நகராட்சி பகுதியில் அகஸ்தியன் பள்ளியில் 15 நாட்களாக குடிநீர் வரவில்லை. இதனால் பொதுமக்கள் வீதிவீதியாக காலிக்குடங் களுடன் அலைய வேண்டிய நிலை ஏற்பட்டுள்ளது. அப்பகுதிக்கும் உடன் குடிநீர் வழங்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர். கோடை காலத்தை கருத்தில் கொண்டு குடிநீருக்கு மாற்று ஏற்பாடுகளை செய்யாவிட்டால் குடிநீர்; பிரச்னை தீரும் வரையில் பாலங்கள் கட்டுமானப் பணியை தள்ளி வைக்கவும் பொது மக்கள் கோரிக்கை விடுத்துள்ளனர்.

Label