OUR CLIENTS
வேலூரில் ரூ.83.50 கோடி மதிப்பீட்டில் விலையில்லா மடிக்கணினிகள் வழங்கல்!
வேலூரில் ரூ.83.50 கோடி மதிப்பீட்டில் விலையில்லா மடிக்கணினிகள் வழங்கல்! Posted on 01-Jul-2019 வேலூரில் ரூ.83.50 கோடி மதிப்பீட்டில் விலையில்லா மடிக்கணினிகள் வழங்கல்!


வேலூர், ஜூலை 1-

வேலூர் மாவட்டத்தில் ரூ.83.50 கோடி மதிப்பீட்டில் 83 ஆயிரத்து 163 மாணவ மாணவிகளுக்கு தமிழக அரசின் விலையில்லா மடிக்கணினிகளை அமைச்சர் கே.சி.வீரமணி வழங்கி தொடங்கி வைத்தார்.

வேலூர் ஸ்ரீ வெங்கடேஸ்வரா மேல்நிலைப்பள்ளியில் பள்ளிக் கல்வித்துறையின் சார்பில் தமிழக அரசின் விலையில்லா மடிக்கணினிகள் வழங்கும் விழாவானது நேற்றுமுன்தினம் (29.06.2019) நடைபெற்றது. முதல் கட்டமாக வேலூர் பகுதிகளில் உள்ள அரசு மற்றும் அரசு நிதியுதவி பெறும் 11 பள்ளிகளை சார்ந்த 2117 பள்ளி மாணவ மாணவிகளுக்கு ரூ.2.13 கோடி மதிப்பிலான விலையில்லா மடிக்கணினிகளை அமைச்சர் கே.சி.வீரமணி வழங்கினார். இந்த விழாவுக்கு வேலூர் மாவட்ட ஆட்சியர் சி..ராமன் தலைமை வகித்தார். விழாவில் அமைச்சர் வீரமணி  பேசியதாவது. மறைந்த முன்னாள் முதல்வர் அம்மா தமிழகத்தில் உள்ள ஏழை, எளிய மக்களின் வாழ்க்கை தரத்தை மேம்படுத்துவதற்காக

மற்ற மாநிலத்தவர்கள் போற்றும் அளவிற்கு பல்வேறு நலத்திட்டங்களை செயல்படுத்தி தமிழகத்தை இந்தியாவிலேயே சிறந்த மாநிலமாக உருவாக்கினார். அவர்களின் ஆசியுடன் செயல்படும் தமிழக முதல்வர் எடப்பாடி பழனிசாமியும் அம்மா விட்டு சென்ற அனைத்து திட்டங்களையும் தொடர்ந்து செயல்படுத்தி வருகிறார்கள். குறிப்பாக ஏழை எளிய மக்களின் பிள்ளைகள் அரசு மற்றும் அரசு நிதியுதவி பெறும் பள்ளிகளில் படிக்கும் பள்ளி மாணவ மாணவிகள் இக்கால நடைமுறைகளுக்கு ஏற்றவாறு நன்றாக படித்து எதிர்காலத்தில் சிறந்தவர்களாக விளங்க மடிக்கணினிகளை வழங்கினார். அதுமட்டுமில்லாமல் படிக்கின்ற மாணவ மாணவிகள் பள்ளிக்கு சென்று வர விலையில்லா மிதிவண்டிகளை வழங்கினார். தமிழக அரசால் புதிய பாடத்திட்டங்கள் உருவாக்கப்பட்டுள்ளது. இதனை தெரிந்து கொள்வதற்கு வசதியாக மடிக்கணினிகள் வழங்கப்பட்டு வருகிறது. இதுபோல மாணவர்களின் எண்ணங்களுக்கு ஏற்றவாறு அரசு செயலாற்றி வருகிறது. இதுமட்டுமில்லாமல் அரசு பள்ளியில் படிக்கும் மாணவ மாணவிகளுக்கு அனைத்து வகையான பள்ளி திட்டங்களும் அடிப்படை தேவைகள் எல்லாம் இலவசமாக வழங்கும் இந்தியாவில் ஒரே மாநிலம் தமிழகம் தான். மாணவர்களின் முக்கிய கடமை நல்லொழுக்கத்துடன் நன்றாக படிப்பதே ஆகும். ஆகவே மாணவ மாணவிகள் நன்றாக படித்து எதிர்காலத்தில் தங்களுடைய வாழ்க்கையில் முன்னேற்றம் அடைய வேண்டும் என மாண்புமிகு வணிகவரி மற்றும்

பத்திரப்திவுத்துறை அமைச்சர் தெரிவித்தார்.

வேலூர் மாவட்டத்தில் 2017- 18 ஆம் கல்வி ஆண்டில் 29252 பன்னிரண்டாம் வகுப்பு மாணவ மாணவிகளுக்கு,ம்  2018- 19ஆம் கல்வி ஆண்டில் 29,286 பன்னிரண்டாம் வகுப்பு மாணவ மாணவிகளுக்கும், 2019 -20ஆம் கல்வி ஆண்டில் 24,625 பதினோராம் வகுப்பு மாணவ மாணவிகளுக்கும் மற்றும் 2019 -20 ஆம் கல்வி ஆண்டில் 28,399 பன்னிரண்டாம் வகுப்பு மாணவ மாணவிகளுக்கும் ஆக மொத்தம் வேலூர் மாவட்டம் முழுமைக்கும் மொத்தம் 83,163 மடிக்கணினிகள் ரூ.83.50 கோடி மதிப்பீட்டில் வழங்கப்படவுள்ளது.

இந்த நிகழ்ச்சியில் சட்டமன்ற உறுப்பினர்கள் சு.ரவி, ஜி.லோகநாதன், ஜி.சம்பத், .கார்த்திகேயன், மாவட்ட கல்வி அலுவலர் .மார்ஸ் மற்றும் ஆசிரியர்கள் மாணவ மாணவிகள் கலந்துகொண்டனர். இத்தகவலை வேலூர் மாவட்ட செய்தி மக்கள் தொடர்பு அலுவலர் வெளியிட்டுள்ள பத்திரிகை செய்திக்குறிப்பில் குறிப்பிட்டுள்ளார்.

 

Label