OUR CLIENTS
திருவள்ளூர் அரசு மருத்துவமனையில் குடிநீருக்கு தவிக்கும் நோயாளிகள்!
திருவள்ளூர் அரசு மருத்துவமனையில் குடிநீருக்கு தவிக்கும் நோயாளிகள்! Posted on 01-Jul-2019 திருவள்ளூர் அரசு மருத்துவமனையில் குடிநீருக்கு தவிக்கும் நோயாளிகள்!

 

திருவள்ளூர், ஜூலை 1-

திருவள்ளூர் அரசு மருத்துவமனையில் குடிநீர் கிடைக்காமல் நோயாளிகள் தவிக்கின்றனர்.

திருவள்ளூர் மாவட்ட தலைமை அரசு மருத்துவமனையில், ஆண்கள் வார்டு, பெண்கள் வார்டு, குழந்தைகள் வார்டு, புறநோயாளிகள் பிரிவு, அவசர  சிகிச்சை பிரிவு உள்பட பல்வேறு பிரிவுகள் உள்ளது. தினமும் 2,000க்கும் மேற்பட்டோர் புறநோயாளிகளாகவும், 300க்கும் மேற்பட்டோர்  உள்நோயாளிகளாகவும் சிகிச்சை பெறுகின்றனர்.மருத்துவமனைக்கு வரும் நோயாளிகளின் தாகத்தை தீர்க்க தனியார் அமைப்பினர் ஒரேயொரு இடத்தில் மட்டும் இரு குழாய்கள் மூலம் குடிநீர் வழங்கி  வந்தனர். அதையும் மருத்துவமனை நிர்வாகம் பராமரிக்காமல் விட்டதால் தற்போது காட்சி பொருளாக உள்ளது.அந்த குழாய்களையும் மர்ம நபர்கள்  கழற்றி எடுத்துச் சென்றுவிட்டனர்நிலத்தடிநீர் குறைவால் மருத்துவமனை வளாகத்தில் உள்ள குழாய்களில் குடிநீர் கிடைக்கவில்லை. எனவேஆண்கள் வார்டு, பெண்கள் வார்டு, குழந்தைகள் வார்டு, மகப்பேறு வார்டு, அவசர சிகிச்சை பிரிவு ஆகிய பகுதிகளில் குடிநீரின்றி நோயாளிகள்  அவதிப்படுகின்றனர். இதனால், நோயாளிகள் மற்றும் அவர்களது உறவினர்கள் மருத்துவ மனையின் வெளியே ஆபத்தான முறையில் சாலையை கடந்து  குடிநீரை பணம் கொடுத்து வாங்கிச் செல்லும் அவலநிலை ஏற்பட்டுள்ளது. எனவே, மாவட்ட தலைமை அரசு மருத்துவமனையில், நகராட்சி சார்பில் சின்டெக்ஸ் தொட்டி வைத்து அதில் குடிநீரை நிரப்பி நோயாளிகள் மற்றும்  பார்வையாளர்களுக்கு வழங்க மாவட்ட நிர்வாகம் நடவடிக்கை எடுக்க வேண்டும் என்றனர்.

Label