OUR CLIENTS
திருவிழாக்களில் ஆபாசத்தை அரங்கேற்றும் ஆடல், பாடல் நிகழ்ச்சிகளுக்கு தடை விதிக்கணும்!
திருவிழாக்களில் ஆபாசத்தை அரங்கேற்றும் ஆடல், பாடல் நிகழ்ச்சிகளுக்கு தடை விதிக்கணும்! Posted on 01-Jul-2019 திருவிழாக்களில் ஆபாசத்தை அரங்கேற்றும் ஆடல், பாடல் நிகழ்ச்சிகளுக்கு தடை விதிக்கணும்!

வேலூர், ஜூலை 1-

தமிழக கிராமப்புறங்களில் கோயில் திருவிழாக்களில் இரவு நேரங்களில் நடத்தப்படும் ஆடல், பாடல் நிகழ்ச்சிகளில் அரங்கேற்றப்படும் ஆபாசத்துக்கு தடை விதிக்க வேண்டும் என்று பொதுமக்கள் கோரிக்கை விடுத்துள்ளனர்.தமிழகத்தில் நகரங்கள் மட்டுமின்றி, கிராமப்புறங்களில் சித்திரை, வைகாசி, ஆடி மாதங்களில் அம்மன் கோயில் விழாக்களும், அக்னி வசந்த விழாக்களும் களைக்கட்டும். இத்திருவிழாக்களில் இரவு நேரங்களில் பல ஆண்டுகளாக இன்னிசை  கச்சேரிகள், நாட்டுப்புற நாடக கூத்துகள், நாட்டுப்புற கலைகள், பட்டிமன்றங்கள் என கலைநிகழ்ச்சிகள் நடத்தப்பட்டு வருகின்றன.கடந்த 40 ஆண்டுகளுக்கு முன்பு வரை கலைநிகழ்ச்சிகள் கலை நிகழ்ச்சிகளாகவே நாட்டின் கலாச்சாரத்துக்கு எந்த பங்கமும் ஏற்படாமல் நடத்தப்பட்டு வந்தன. அதன்பிறகு அங்கொன்றும், இங்கொன்றுமாக இந்நிகழ்ச்சிகள் சினிமா ஆடல், பாடல்  நிகழ்ச்சிகளாக கலந்து நடத்தப்பட்டு வந்தன. ஆனால் படிப்படியாக இந்த சினிமா ஆடல், பாடல் நிகழ்ச்சிகள் ஆபாசத்தின் உச்சத்துக்கு சென்று திருவிழாவை காண வரும் மக்களை முகம் சுளிக்க வைக்கும் அளவுக்கு எல்லை மீறி  நடத்தப்படுகின்றன.

ஆபாச நடனங்களோடு பெண் கலைஞர்களை கொண்டு கிளுகிளுப்பாக நடத்தப்படும் நிகழ்ச்சிகளுக்கு போலீஸார் பொதுவாக அனுமதி வழங்குவதில்லை. ஆனாலும் நீதிமன்றங்களில் சென்று உத்தரவை பெற்று இத்தகைய ஆபாச ஆடல், பாடல்  நிகழ்ச்சிகள் நடத்தப்படுகின்றன. தற்போதைய சூழலில் தமிழகத்தில் 50க்கும் மேற்பட்ட இத்தகைய ஆபாச நடன குழுக்கள் உள்ளன. இக்குழுக்களில் 2 ஆயிரம் நடன கலைஞர்கள் இருக்கின்றனர். இவர்கள் ஏறக்குறைய எல்லா மாவட்டங்களிலும்  இருக்கின்றனர்.ஒரு குழு திருவிழாவில் தங்கள் நடன நிகழ்ச்சியை நடத்த ரூ.80 ஆயிரம் முதல் ரூ.2 லட்சம் வரை கட்டணம் வாங்குகின்றனர். இரவு 7 மணி தொடங்கி இரவு 10 மணி வரை நடக்கும் இந்நிகழ்ச்சியில் பெயருக்கு சில பக்தி பாடல் மற்றும்  நடனங்கள் இடம்பெற்றன. அதன்பிறகுதான் நிகழ்ச்சியில் எல்லைமீறிய ஆபாசங்கள் பெண்கள், குழந்தைகள், முதியவர்கள் முன்பே அரங்கேறும். இத்தகைய நிகழ்ச்சிகளை ஏற்பாடு செய்யும் கோயில் விழா ஏற்பாட்டாளர்கள் தெரிந்தே செய்கிறார்களா? அல்லது தெரியாமல் செய்கிறார்களா? என்பது கேள்விக்குறி.

தமிழர்களின் பாரம்பரியமான கோயில் விழாக்கள் இதுபோன்ற  கேளிக்கைகளால் தடம்மாறி செல்வதை தடுக்கும் பெரும் பொறுப்பு அந்தந்த கிராம பெரியவர்களுக்கும், கோயில் விழாவை நடத்துபவர்களுக்கும் உண்டு. அதேநேரத்தில் இதுபோன்ற நிகழ்ச்சிகளுக்கு அரசு நிச்சயம் கட்டுப்பாடுகளை விதிக்க  வேண்டும் என்று பொதுமக்கள் எதிர்பார்க்கின்றனர்.

ஆனால் இளைஞர்கள் ஆபாச நடனங்களை ஆடக் கோரி நடன கலைஞர்களை தொந்தரவு செய்வதாகவும் ஒருபுறம் குற்றச்சாட்டு எழுந்துள்ளது. எது எப்படியோ கோயிலில் இதுபோன்ற ஆடல், பாடல் நிகழ்ச்சிகள் தேவைதானா?

 

Label