OUR CLIENTS
11 எம்.எல்.ஏ.,க்கள் தகுதி நீக்க வழக்குதேதி குறிப்பிடாமல் ஒத்திவைத்தது உச்சநீதிமன்றம்
11 எம்.எல்.ஏ.,க்கள் தகுதி நீக்க வழக்குதேதி குறிப்பிடாமல் ஒத்திவைத்தது உச்சநீதிமன்றம் Posted on 04-Jul-2019 11 எம்.எல்.ஏ.,க்கள் தகுதி நீக்க வழக்குதேதி குறிப்பிடாமல் ஒத்திவைத்தது உச்சநீதிமன்றம்


புதுடெல்லி, ஜூலை 4-
ஓபிஎஸ் உள்ளிட்ட 11 அதிமுக எம்.எல்.ஏ.க்களுக்கு எதிரான தகுதி நீக்க வழக்கை உச்சநீதிமன்றம் தேதி குறிப்பிடாமல் ஒத்திவைத்தது.
2017ஆம் ஆண்டு பிப்ரவரி 18ம் தேதி முதல்வர் எடப்பாடி பழனிசாமி ஆட்சி பெரும்பான்மையை நிரூபிக்க வேண்டும் என தமிழ்நாடு சட்டசபையில் நடைபெற்ற நம்பிக்கை வாக்கெடுப்பில் ஓ.பன்னீர்செல்வம் உள்ளிட்ட 11 எம்.எல்.ஏ.க்கள் அரசை எதிர்த்து வாக்களித்தனர்.

ஓ.பன்னீர்செல்வம், பாண்டியராஜன், செம்மலை, சண்முகநாதன், நட்ராஜ், ஆறுக்குட்டி, சின்னராஜ், மனோரஞ்சிதம், சரவணன், மாணிக்கம், மனோகரன் ஆகிய 11 பேரையும் தகுதி நீக்கம் செய்யக்கோரி தி.மு.க. கொறடா சக்கரபாணி தரப்பில் உச்சநீதிமன்றத்தில் மேல்முறையீடு செய்யப் பட்டுள்ளது.

ஓ.பன்னீர்செல்வம் உள்ளிட்ட 7 எம்.எல்.ஏ.க்களை தகுதி நீக்கம் செய்யக்கோரி வெற்றிவேல், தங்க தமிழ்செல்வன் உள்ளிட்டோர் தொடர்ந்த வழக்கின் விசாரணையும் உச்சநீதிமன்றத்தில் நடைபெற்று வருகிறது. இந்த வழக்குகளில் சக்கரபாணி தரப்பில் மூத்த வழக்கறிஞர் கபில் சிபல், தங்க தமிழ்ச்செல்வன் சார்பில் மூத்த வழக்கறிஞர் அபிஷேக் சிங்வி, வழக்கறிஞர்  ராஜா செந்தூர் பாண்டியன்,

ஓ.பன்னீர்செல்வம் உள்ளிட்டோர் தரப்பில் மூத்த வக்கீல்கள் சி.எஸ். வைத்தியநாதன், முகுல் ரோத்தகி, குரு கிருஷ்ண குமார், வக்கீல்கள் கவுதம் குமார், பாலாஜி சீனிவாசன், சட்டசபை  செயலாளர் தரப்பில் மணிந்தர் சிங் ஆகியோர் தங்கள் வாதங்களை முடித்துள்ளனர்.

நீதிபதி ஏ.கே.சிக்ரி ஓய்வு இந்த வழக்கை நீதிபதி ஏ.கே. சிக்ரி தலைமையிலான அமர்வு விசாரித்து வந்தது. நீதிபதி ஏ.கே.சிக்ரி கடந்த மார்ச் 7-ம் தேதி பணி ஓய்வு பெற்றதை தொடர்ந்து இந்த வழக்கு நீண்ட நாட்களாக நிலுவையில் உள்ளது.நேற்று முன்தினம் உச்சநீதிமன்றத்தில் தலைமை நீதிபதி ரஞ்சன் கோகாய் அமர்வில் தி.மு.க. கொறடா சக்கரபாணி தரப்பில் மூத்த வழக்கறிஞர்  கபில் சிபல் ஆஜராகி நீதிபதி ஏ.கே.சிக்ரி ஓய்வு பெற்றதை தொடர்ந்து இந்த வழக்கை புதிய அமர்வு விசாரிக்கும் வகையில் நடவடிக்கை எடுத்து விரைவில் விசாரிக்க உத்தரவு பிறப்பிக்க வேண்டும் என்று முறையிட்டார். இதனை ஏற்றுக்கொண்ட தலைமை நீதிபதி விரைவில் உரிய நடவடிக்கை எடுக்கப்படும் என்று தெரிவித்தார்.

தேதி குறிப்பிடாமல் ஒத்திவைப்பு இவ்வழக்கு நீதிபதிகள் எஸ்.ஏ. பாப்டே, பி.ஆர். கவாய் ஆகியோரை கொண்ட புதிய அமர்வு முன் விசாரணைக்கு வந்தது. வழக்கை விசாரித்த நீதிபதிகள் 11 எம்.எல்.ஏ-க்கள் தொடர்பான வழக்கு விசாரணையை தேதி குறிப்பிடாமல் ஒத்தி வைத்தனர். ரத்தினசபாபதி, கலைச்செல்வன், பிரபு உள்ளிட்ட 3 எம்.எல்.ஏ-க்கள் தொடர்ந்த வழக்கு விசாரணையும் ஒத்திவைத்தனர். 2 வழக்குகளும் ஒரே நாளில் தனித்தனியாக விசாரணைக்கு எடுத்துக் கொள்ளப்படும் என்று நீதிபதிகள் தெரிவித்தனர்.

Label