OUR CLIENTS
வடகொரியாவில் கண்டம் விட்டு கண்டம் பாயும் 3 ஏவுகணைகள் சோதனை : தென் கொரியா தகவல்
வடகொரியாவில் கண்டம் விட்டு கண்டம் பாயும் 3 ஏவுகணைகள் சோதனை : தென் கொரியா தகவல் Posted on 19-Jul-2016 வடகொரியாவில்  கண்டம் விட்டு கண்டம் பாயும் 3 ஏவுகணைகள் சோதனை : தென் கொரியா தகவல்

சியோல்:
வடகொரியா, உலக நாடுகளின் ஏகோபித்த எதிர்ப்பையும், ஐ.நா.வின் பொருளாதார தடைகளையும் கண்டுகொள்ளாமல் 2006-ம் ஆண்டில் இருந்து அணு ஆயுத சோதனைகளை நடத்தி வருகிறது. 3 முறை தொடர்ந்து அணுகுண்டு சோதனைகளை நடத்திய நிலையில், கடந்த ஜனவரி மாதம் அதிபயங்கர ஹைட்ரஜன் குண்டு சோதனை நடத்தி உலக அரங்கை அந்த நாடு அதிர வைத்தது.


வடகொரியாவின் அத்துமீறிய செயல்களால் கடும் அதிர்ச்சி அடைந்த ஐ.நா. பாதுகாப்பு கவுன்சிலும், அமெரிக்காவும் அந்த நாட்டுக்கு எதிராக மிகக் கடுமையான பொருளாதார தடைகளை விதித்தன. ஆனாலும் வடகொரியா, தொடர்ந்து கண்டம் விட்டு கண்டம் தாவி சென்று தாக்குதல் நடத்தும் ஆற்றல் வாய்ந்த ஏவுகணை சோதனைகளை நடத்தி வருகிறது.

வடகொரியாவின் அணு ஆயுத அச்சுறுத்தலை எதிர்கொள்ள, அமெரிக்காவும் தென்கொரியாவும் இணைந்து, தென் கொரியாவில் ஏவுகணை தடுப்பு கேடய அமைப்பை ஏற்படுத்தும் ஒப்பந்தத்தை செய்துகொண்டுள்ளன. இந்த ஏவுகணை தடுப்பு அமைப்பு எப்போது அங்கு நிறுவப்படும் என்று இருநாடுகளும் இன்னும் அறிவிக்கவில்லை. இருப்பினும், சாத்தியமான இடத்தை தேர்வு செய்யும் பணியில் இறுதி கட்டத்தை எட்டிவிட்டதாக தெரியவந்துதுள்ளது.

இந்நிலையில், ஏவுகணை தடுப்பு கேடய அமைப்பை ஏற்படுத்தும் அமெரிக்காவின் திட்டத்தையும் மீறி வடகொரியா கண்டம் விட்டு கண்டம் பாயும் ஏவுகணைகளை சோதனை செய்துள்ளதாக தென் கொரியா குற்றம்சாட்டியுள்ளது.

இது தொடர்பாக தென்கொரியாவின் கூடுதல் தலைமை அதிகாரி வெளியிட்டுள்ள அறிக்கையில், “வடகொரியாவின் மேற்கு நகரான ஹவான்ங்ஜூவில் கடற்கரையில் இருந்து சுமார் 500-600 கிலோமீட்டர் தொலைவில் இந்த சோதனை நடத்தப்பட்டுள்ளது” என்று கூறப்பட்டுள்ளது.

இந்த ஸ்கட் ஏவுகணைகள் தென் கொரியாவின் அனைத்து பகுதிகளிலும் சென்று தாக்கக் கூடிய வகையில் உள்ளதாக அந்த அறிக்கையில் கூறப்பட்டுள்ளது.

Label