OUR CLIENTS
டாக்கா தாக்குதல்: ஜமாத்-உல்-முஜாஹிதீன் அமைப்பை சேர்ந்த 4 தீவிரவாதிகள் கைது
டாக்கா தாக்குதல்: ஜமாத்-உல்-முஜாஹிதீன் அமைப்பை சேர்ந்த 4 தீவிரவாதிகள் கைது Posted on 22-Jul-2016 டாக்கா தாக்குதல்: ஜமாத்-உல்-முஜாஹிதீன் அமைப்பை சேர்ந்த 4 தீவிரவாதிகள் கைது

டாக்கா:
டாக்கா உணவு விடுதியில் தீவிரவாதிகள் நடத்திய தாக்குதல் சம்பவம் தொடர்பாக, ஜமாத்-உல்-முஜாஹிதீன் அமைப்பைச் சேர்ந்த 4 தீவிரவாதிகளை போலீசார் கைது செய்தனர்.


வங்காளதேச தலைநகர் டாக்காவில் கடந்த 1-ம் தேதி, வெளிநாட்டினர் அதிகம் வரும் உணவு விடுதி ஒன்றில் புகுந்த தீவிரவாதிகள் திடீர் தாக்குதலில் ஈடுபட்டனர். இதில் இந்திய பெண் உட்பட 22 பேர் கொல்லப்பட்டனர். தகவலறிந்து வந்த பாதுகாப்பு படையினர் நடத்திய பதில் தாக்குதலில், 6 தீவிரவாதிகளும் சுட்டுக் கொல்லப்பட்டனர்.

இந்த தாக்குதல் சம்பவத்திற்கு ஐ.எஸ் அமைப்பு பொறுப்பேற்றது. ஆனால் உள்ளூர் தீவிரவாதிகள் தான் தாக்குதலில் ஈடுபட்டனர் என்று அந்நாட்டு அரசு அறிவித்தது. இதையடுத்து தீவிரவாதிகளை தேடும் பணியில் பாதுகாப்பு படையினர் ஈடுபட்டனர்.

இந்நிலையில் காஜிப்பூர் மாவட்டத்தின் டோங்கி நகரில் வீடு ஒன்றில், தீவிரவாதிகள் பதுங்கியிருப்பதாக அதிரடி படையினருக்கு தகவல்கள் கிடைத்தன. விரைந்து சென்ற அதிரடி படையினர், அங்கிருந்த ஜமாத்-உல்-முஜாஹிதீன் அமைப்பின் 4 தீவிரவாதிகளை கைது செய்தனர். அவர்களிடமிருந்து ஏராளமான ஆயுதங்களை பறிமுதல் செய்தனர்.

Label