OUR CLIENTS
மணத்தக்காளிக்கீரைத் துவையல்!
மணத்தக்காளிக்கீரைத் துவையல்! Posted on 27-Apr-2017 மணத்தக்காளிக்கீரைத் துவையல்!

தேவையான பொருட்கள் :
மணத்தக்காளிக்கீரை - ஒரு கப்
குடமிளகாய் - ஒன்று (சிறியது)
உளுந்தம்பருப்பு - 2 டீஸ்பூன்
புளி - சிறிதளவு
தேங்காய்த் துருவல் - 2 டேபிள்ஸ்பூன்
எண்ணெய் - 3 டீஸ்பூன்
காய்ந்த மிளகாய் - 2
உப்பு - தேவையான அளவு

செய்முறை :
1. மணத்தக்காளிக்கீரையை சுத்தம் செய்து தண்ணீரில் கழுவி பொடியாக நறுக்கி கொள்ளவும். 
2. குடமிளகாயை சிறிய துண்டுகளாக நறுக்கி வைக்கவும். 
3. அடுப்பில் வாணலியை வைத்து எண்ணெய் சேர்த்துச் சூடானதும் உளுந்தம்பருப்பு சேர்த்து லேசாகச் சிவந்ததும் காய்ந்த மிளகாய் சேர்த்து வறுக்கவும்.
4. அடுத்து அதில் கீரை சேர்த்து இரண்டு நிமிடம் வதக்கவும். 
5. பின்னர் குடமிளகாய், புளி, உப்பு சேர்த்து அடுப்பை மிதமான தீயில் 3 நிமிடம் வதக்கி, இறுதியாக தேங்காய்த் துருவலையும் சேர்த்து ஒரு புரட்டுப் புரட்டி அடுப்பை அணைக்கவும். 
6. அனைத்து ஆறியதும் அதை மிக்ஸியில் சேர்த்து லேசாகத் தண்ணீர் தெளித்து நைஸாக அரைத்தெடுக்கவும்.

சத்து நிறைந்த மணத்தக்காளிக்கீரைத் துவையல் ரெடி. 

குறிப்பு :
புளிப்பு, காரத்தை உங்கள் விருப்பத்துக்கேற்ப கூட்டியோ குறைத்தோ சேர்க்கலாம். இந்தத் துவையலை கெட்டியாக அரைத்தால் சாதத்தில் பிசைந்து சாப்பிடலாம். தண்ணீர்விட்டுக் கரைத்தால் இட்லி, தோசைக்கு சட்னி போல மேட்ச் ஆகும்.

Label