OUR CLIENTS
கூடங்குளத்தில் மேலும் 2 அணுஉலைகள் இந்தியா, ரஷ்யா இடையே ஒப்பந்தங்கள் கையெழுத்து! இரண்டாம் உலகப்போரின் போது உயிர் நீத்தவர்களுக்கு பிரதமர் மோடி அஞ்சலி
கூடங்குளத்தில் மேலும் 2 அணுஉலைகள் இந்தியா, ரஷ்யா இடையே ஒப்பந்தங்கள் கையெழுத்து! இரண்டாம் உலகப்போரின் போது உயிர் நீத்தவர்களுக்கு பிரதமர் மோடி அஞ்சலி Posted on 02-Jun-2017 கூடங்குளத்தில் மேலும் 2 அணுஉலைகள் இந்தியா, ரஷ்யா இடையே  ஒப்பந்தங்கள் கையெழுத்து! இரண்டாம் உலகப்போரின் போது உயிர் நீத்தவர்களுக்கு பிரதமர் மோடி அஞ்சலி

மாஸ்கோ, ஜூன் 2
ரஷ்யாவில் சுற்றுப் பயணம் மேற்கொண்டுள்ள இந்திய பிரதமர் மோடி செயின்ட் பீட்டர்ஸ்பர்க்கில் ரஷ்ய அதிபர் விளாதிமிர் புதினை சந்தித்துள்ளார். ரஷ்யா சென்றுள்ள இந்திய பிரதமர் நரேந்திர மோடி, இரண்டாம் உலகப்போரின்போது உயிர்நீத்தவர்களுக்கு செயின்ட் பீட்டர்ஸ்பர்கில் உள்ள கல்லறையில் அஞ்சலி செலுத்தினார்.

இந்திய பிரதமர் மோடி 6 நாட்கள் சுற்றுப் பயணமாக ரஷியா, பிரான்ஸ், ஜெர்மனி, ஸ்பெயின் 4 நாடுகளுக்கு பயணம் மேற்கொண்டுள்ளார். இதில் ஜெர்மனி, ஸ்பெயின் பயணத்தை முடித்த பிரதமர் மோடி, நேற்று ரஷ்யா சென்றார். செயின்ட் பீட்டர்ஸ்பர்க் விமான நிலையத்திற்கு சென்றடைந்த அவருக்கு சிறப்பான வரவேற்பு அளிக்கப்பட்டது. 
பிரதமர் மோடியை ரஷ்ய அதிபர் விளாடிமிர் புதின் வரவேற்றார். அப்போது புதின் கூறியதாவது: இந்தியா, ரஷ்யா இடையே மிக நீண்டகாலமாக நட்புறவு நீடிக்கிறது. இருநாடுகளும் பரஸ்பரம் ஒருவர் மீது நம்பிக்கை வைத்துள்ளன. இந்தியா, ரஷ்யா இடையே தூதரக உறவுகள் தொடங்கப்பட்டு 70 ஆண்டுகள் நிறை வடைந்துள்ளது.

 இந்த நேரத்தில் ஒரு முக்கிய அறிவிப்பை வெளியிடுகிறேன். ஷாங்காய் ஒத்துழைப்பு அமைப்பில் அடுத்த ஒரு வாரத்தில் இந்தியா நிரந்தர உறுப்பினராகிவிடும். இவ்வாறு அவர் தெரிவித்தார்.இந்நிலையில், செயின்ட் பீட்டர்ஸ்பர்க்கில் ரஷ்ய அதிபர் விளாதிமிர் புதின் உடன் பிரதமர் மோடி சந்தித்துள்ளார். இரு தலைவர்களும் முக்கிய பிரச்சனைகள் குறித்து ஆலோசனை நடத்தினர். 

புதினிடம் பேசிய மோடி, “சர்வதேச உறவுகளில் வழக்கமாக ஏற்ற இறங்கங்கள் இருக்கும். ஆனால், ரஷ்யா உடனான உறவில் அப்படி எப்போதும் இருந்ததில்லை. ராஷ்யாவும், இந்தியாவும் பலன்கள் மற்றும் மகிழ்ச்சியில் நம்பிக்கை வைத்துள்ளது. இரு நாடுகள் மற்றும் மக்களிடையே உள்ள உறவில் சிறப்பு தன்மை உள்ளது.நாட்டிற்காக தியாகங்களை செய்த குடும்பத்தை சேர்ந்த தலைவர் நீங்கள். உங்கள் சகோதரர் தனது உயிரை நாட்டிற்காக தியாகம் செய்துள்ளார்.” என்றார்.

கூடங்குளத்தில் 5, 6-வது அணுஉலைகள் அமைப்பது தொடர்பாக ரஷ்ய அதிபர் விளாடிமிர் புதினுடன் இந்திய பிரதமர் நரேந்திர மோடி பேச்சுவார்த்தை நடத்தினார். இதனையடுத்து 2 அணு உலைகளுக்கான ஒப்பந்தத்தில் இருநாடுகளும் கையெழுத்திட்டன கூடங்குளம் அணுமின் நிலையம்  உள்ளிட்ட 12 முக்கிய ஒப்பந்தங்களில் இருவரும் கையெழுத்திட்டன.அதற்கு முன்னதாக, இரண்டாம் உலகப் போரின்போது உயிர்நீத்தவர்களின் நினைவிடமான பிஸ்கர்யோவ்ஸ்கொயே நினைவு கல்லறையில் மோடி அஞ்சலி செலுத்தினார். பின்னர் அங்கிருந்த வருகைப் பதிவேட்டில் கையெழுத்திட்டார்.

Label