OUR CLIENTS
பனாமா லீக்ஸ் விவகாரம் பாக். பிரதமர் நவாஸ் ஷெரீப் 15-ம் தேதி ஆஜராக புலனாய்வுக்குழு சம்மன்
பனாமா லீக்ஸ் விவகாரம் பாக். பிரதமர் நவாஸ் ஷெரீப் 15-ம் தேதி ஆஜராக புலனாய்வுக்குழு சம்மன் Posted on 13-Jun-2017 பனாமா லீக்ஸ் விவகாரம் பாக். பிரதமர் நவாஸ் ஷெரீப் 15-ம் தேதி ஆஜராக புலனாய்வுக்குழு சம்மன்

இஸ்லாமாபாத், ஜூன் 13-
பாகிஸ்தான் உள்ளிட்ட பல நாடுகளை சேர்ந்த பிரபலங்கள் வரிஏய்ப்பு செய்வதற்காக பல்வேறு நாடுகளில் ரகசிய முதலீடுகள் செய்திருப்பதாகவும், வங்கிகளில் ரகசியமாக பணத்தை பதுக்கி வைத்திருப்பதாகவும் சர்வதேச புலனாய்வு செய்தியாளர்கள் கூட்டமைப்பு ‘பனாமா லீக்ஸ்’ என்ற பெயரில் கடந்த ஆண்டு ஆவணங்கள் வெளியிட்டது.

‘பனாமா கேட்’ என அழைக்கப்படுகிற இந்த ஊழலில், பாகிஸ்தான் பிரதமர் நவாஸ் ஷெரீப்பும், அவரது குடும்பத்தினரும் பலன் அடைந்திருப்பதாக அந்த நாட்டின் சுப்ரீம் கோர்ட்டில் வழக்கு தாக்கலானது. பாகிஸ்தான் தெக்ரீக் இ இன்சாப் கட்சியின் தலைவர் இம்ரான்கான், வக்கீல் தாரிக் ஆசாத், ஜமாத் இ இஸ்லாமி (ஜி) தலைவர் சிராஜூல் ஹக், அவாமி முஸ்லிம் லீக் தலைவர் ஷேக் ரஷீத் அகமது ஆகியோர் தொடுத்த வழக்கை நீதிபதிகள் ஆசிப் சயீத் கோசா, குல்சார் அகமது, இஜாஸ் அப்சல்கான், அஜ்மத் சயீத், இஜாஜூல் அசன் விசாரித்தனர். 

விசாரணை முடிவில், நவாஸ் ஷெரீப் மற்றும் அவரது குடும்பத்தினர் மீது ஜே.ஐ.டி. என்னும் கூட்டு புலனாய்வுக்குழு விசாரணை நடத்த மெஜாரிட்டி நீதிபதிகள் உத்தரவிட்டனர்.
இந்த உத்தரவின்படி, பாகிஸ்தான் மத்திய புலனாய்வு அமைப்பான எப்.ஐ.ஏ.யின் கூடுதல் தலைமை இயக்குனர் வாஜித் ஜியா தலைமையில் 6 உறுப்பினர்களைக் கொண்ட கூட்டு புலனாய்வுக்குழு அமைக்கப்பட்டுள்ளது.

இந்த கூட்டு புலனாய்வுக்குழுவின் 2 உறுப்பினர்களுக்கு எதிர்ப்பு தெரிவித்து நவாஸ் ஷெரீப்பின் மகன்களில் ஒருவரான உசேன் நவாஸ், சுப்ரீம் கோர்ட்டில் முறையிட்டனர். ஆனால், அதை நிராகரித்த நீதிமன்றம் கூட்டு புலனாய்வுக்குழு முன்னால் நவாஷ் ஷெரீப் கண்டிப்பாக ஆஜராக வேண்டும் என உத்தரவிட்டனர்.

இதனையடுத்து, நேற்று முன்தினம் கூட்டு புலனாய்வுக்க்குழு சார்பில் வரும் 15-ம் தேதி ஆஜராகி விளக்கமளிக்க வேண்டும் என நவாஸ் ஷெரீப் இல்லத்திற்கு சம்மன் அனுப்பப்பட்டுள்ளது. அவர் நேரில் ஆஜராவாரா? அல்லது அவகாசம் கோருவாரா? என்று எதிர்பார்ப்பு நிலவியுள்ளது.

Label