OUR CLIENTS
தமிழ்த்தாய் வாழ்த்தை கற்றுக்கொடுத்ததில் தவறில்லை பிக் பாஸ் சர்ச்சைகளுக்கு கமல் பதில்!
தமிழ்த்தாய் வாழ்த்தை கற்றுக்கொடுத்ததில் தவறில்லை பிக் பாஸ் சர்ச்சைகளுக்கு கமல் பதில்! Posted on 13-Jul-2017 தமிழ்த்தாய் வாழ்த்தை கற்றுக்கொடுத்ததில் தவறில்லை பிக் பாஸ் சர்ச்சைகளுக்கு கமல் பதில்!

சென்னை, ஜூலை 13-
பிக் பாஸ் நிகழ்ச்சி தொடர்பாக நாள்தோறும் பல சர்ச்சைகள் எழுந்து வருகின்றன. இந்நிலையில், அது சமூக சீர்கேட்டை ஏற்படுத்துவதாக நேற்று புகார் அளிக்கப்பட்டது. இதுகுறித்து நடிகர் கமல்ஹாசன் செய்தியாளர்களைச் சந்தித்து விளக்கமளித்தார். அவர் பேசியதாவது:

என்னை சிறையில் அடைத்துப் பார்க்க சிலருக்கு விருப்பம். முடிந்தால் என்னை கைது செய்தும் பார்க்கட்டும். என்னை கைது செய்ய வேண்டும் என்று நினைப்பவர்களுக்கு பதில் சொல்ல வேண்டிய அவசியமில்லை. இந்திய நீதித்துறையின் மீது எனக்கு நம்பிக்கை உள்ளது.

எனக்கு அனைத்து ரசிகர்களும் தேவை. கிரிக்கெட் எந்த அளவுக்குத் தேவையோ, அந்த அளவுக்கு பிக் பாஸ் நிகழ்ச்சியும் தேவை. நான் எதைச் செய்தாலும் விருப்பமுடன் தான் செய்கிறேன். பிக் பாஸ் நிகழ்ச்சியை விரும்பி ஏற்றுக்கொண்டேன். எதிர்மறை விமர்சனங்களை நேர்மையாக ஏற்றுக்கொள்கிறேன். 

தசாவதாரம் வெளியான போது என்னை கொண்டாடினார்கள், தற்போது எதிர்க்கிறார்கள். எந்த அரசாக இருந்தாலும் நான் எதிர்த்துப் பேசுவேன். அரசியல் குறித்து பேச எனக்கு விருப்பமில்லை. 37 ஆண்டுகளாக நற்பணி மன்றம் மூலமாக பல நன்மைகளைச் செய்துள்ளேன். தமிழகத்தில்  சிஸ்டம் சரியில்லை என்று முதலில் கூறியது நான்தான். 

ஐன கன மன பெங்காலி பாட்டு அதை  முதலில் நாம் சரியாகப் பாடுவதில்லை.  அதுபோலத்தான் பிக் பாஸ் நிகழ்ச்சியில் தமிழ்த்தாய் வாழ்த்தும் பாடப்பட்டது. ஏனென்றால் அது அவர்களுக்கு முழுமையாகத் தெரியாது. எனவே அதைக் கற்றுக்கொடுத்தேன் அதில் தவறில்லை. இவ்வாறு அவர் கூறினார்.

Label