OUR CLIENTS
விவசாயிகள் பிரச்சனையை எழுப்பி எதிர்க்கட்சிகள் அமளி மக்களவை நாள் முழுவதும் ஒத்திவைப்பு
விவசாயிகள் பிரச்சனையை எழுப்பி எதிர்க்கட்சிகள் அமளி மக்களவை நாள் முழுவதும் ஒத்திவைப்பு Posted on 21-Jul-2017 விவசாயிகள் பிரச்சனையை எழுப்பி எதிர்க்கட்சிகள் அமளி  மக்களவை நாள் முழுவதும் ஒத்திவைப்பு

புதுடெல்லி, ஜூலை 21- 
விவசாயிகள் பிரச்சனைகளை எழுப்பி எதிர்க்கட்சிகள் கடும் அமளியில் ஈடுபட்டதால், மக்களவை நாள் முழுவதும் ஒத்திவைக்கப்பட்டது.

பாராளுமன்ற மழைக்காலக் கூட்டத் தொடர் கடந்த திங்கட் கிழமை தொடங்கியது. கூட்டத் தொடர் தொடங்கியது முதல் விவசாயிகள் பிரச்சனை, பசு குண்டுகள், சீன விவகாரங்களை எழுப்பி காங்கிரஸ், திரிணாமூல் காங்கிரஸ், இடதுசாரிகள் உள்ளிட்ட எதிர்க்கட்சிகள் கடும் அமளியில் ஈடுபட்டு வருகின்றனர்.

 இந்நிலையில், நான்காவது நாளான நேற்றும் மக்களவை தொடங்கியது முதல் விவசாயிகள் பிரச்சனையை எழுப்பி எதிர்க்கட்சிகள் அமளியில் ஈடுபட்டனர். இதனால் அவையில் கூச்சலும் குழப்பமும் நிலவியது.

விவசாயிகள் பிரச்சனை தொடர்பாக பிரதமர் நரேந்திர மோடி கண்டிப்பாக விளக்கம் அளிக்க வேண்டும் என்று எதிர்க்கட்சிகள் வலியுறுத்தினர்.  அவை முதலில் 11.30 மணிக்கு ஒத்திவைக்கப்பட்டது.

 பின்னர் எதிர்க்கட்சிகளின் அமளி தொடர்ந்ததால், அடுத்தடுத்து இருமுறை அவை ஒத்திவைக்கப்பட்டது. இறுதியில் மக்களவையை நாள் முழுவதும் ஒத்திவைத்து சபாநாயகர் சுமித்ரா மகாஜன் உத்தரவிட்டார். 

இதனிடையே, மாநிலங்களவையில் விவசாயிகள் பிரச்சனை, பிரதமர் மோடியின் அமெரிக்க பயணம், ஜி.எஸ்.டி வரியின் பாதிப்புகள் உள்ளிட்ட விவகாரங்களை எதிர்க்கட்சியினர் எழுப்பினர்.  

இந்த விவகாரத்தில் மாநிலங்களவையில் பேசிய அதிமுக எம்.பி. நவநீதகிருஷ்ணன் தமிழக விவசாயிகள் மத்திய அரசுக்கு எதிராக தான் போராடுகிறார்கள், மாநில அரசுகளுக்கு எதிராக இல்லை என்று கூறினார். 

 அதேபோல், மாநிலங்களவையில் பேசிய காங்கிரஸ் எம்.பி. திக்விஜய் சிங் பா.ஜ.க. மத்தியில் ஆட்சி பொறுப்பேற்ற பிறகு விவசாயிகள் தற்கொலை 42 சதவீதம் அதிகரித்துள்ளது என்றார்.  மாநிலங்களவையில் அமெரிக்காவில் ஹெச்-1 பி விசா குறித்து மோடி பேசாதது ஏன் என்ற கேள்விக்கு வெளியுறவுத் துறை மந்திரி சுஷ்மா சுவராஜ் விளக்கம் அளித்தார்.

Label