OUR CLIENTS
ஒடிசாவில் பன்றிக் காய்ச்சலுக்கு பலியானோர் எண்ணிக்கை 41 ஆக உயர்வு.
ஒடிசாவில் பன்றிக் காய்ச்சலுக்கு பலியானோர் எண்ணிக்கை 41 ஆக உயர்வு. Posted on 07-Sep-2017 ஒடிசாவில் பன்றிக் காய்ச்சலுக்கு பலியானோர் எண்ணிக்கை 41 ஆக உயர்வு.

புவனேஸ்வர், செப். 7-
ஒடிசா மாநிலத்தில் மொத்தம் உள்ள 30 மாவட்டங்களில் 22 மாவட்டங்களை பி1ழி1 எனப்படும் பன்றிக்காய்ச்சல் நோய்த்தொற்று தாக்கியுள்ளது.

நேற்று முன்தினம் மேலும் 30 பேருக்கு இந்த நோய்த்தொற்று இருப்பது உறுதி செய்யப்பட்டுள்ள நிலையில் இந்த நோயால் பாதிக்கப்பட்டவர்களின் எண்ணிக்கை 355 ஆக உயர்ந்துள்ளது. இதற்கிடையே, பன்றிக் காய்ச்சல் நோய்க்காக ஜகத்சிங்பூர் மாவட்ட ஆஸ்பத்திரியில் சிகிச்சை பெற்று வந்த ஒரு பெண் நேற்று உயிரிழந்ததையடுத்து இந்நோயின் தாக்கத்தல் பலியானோர் எண்ணிக்கை 41ஆக உயர்ந்துள்ளது. கடந்த 2013-ம் ஆண்டு ஒடிசாவை தாக்கிய பன்றிக்காய்ச்சல் நோய்க்கு 13 பேர் பலியாகினர். ஆனால், இந்த ஆண்டின் முதல் எட்டு மாதங்களுக்குள் 41 பேர் உயிரிழந்துள்ள சம்பவம் அம்மாநில மக்களிடையே பீதியை ஏற்படுத்தியுள்ளது.

பன்றிக்காய்ச்சல் நோயை சமாளிப்பதற்கு தேவைப்படும் மருந்துகள் போதுமான அளவில் கையிருப்பில் இருப்பதாகவும் மக்களை பீதி அடைய வேண்டாம் எனவும் அம்மாநில அரசு கேட்டுக் கொண்டுள்ளது.

அசம்பாவிதமான சூழ்நிலைகளை எதிர்கொள்ளும் வகையில் பன்றிக்காய்ச்சல் நோய்க்கான மருந்துகளை கூடுதலாக அனுப்பி வைக்குமாறு மத்திய அரசை ஒடிசா மாநில அரசு வலியுறுத்தியுள்ளது.

Label