OUR CLIENTS
பிறந்தநாளில் "மய்யம் விசில்" புதிய செயலியை வெளியட்ட கமல்ஹாசன்
பிறந்தநாளில் "மய்யம் விசில்" புதிய செயலியை வெளியட்ட கமல்ஹாசன் Posted on 08-Nov-2017 பிறந்தநாளில்

சென்னை, நவ.8-
பிறந்தநாளில் செய்தியாளர்களை சந்தித்த கமல்ஹாசன், நியாயத்திற்காக குரல் எழுப்பும் புதிய செயலி ஒன்றை இன்று அறிமுகம் செய்திருக்கிறார்.

சமீப காலமாகவே தனது அரசியல் பிரவேசம் குறித்து வெளிப்படையாக பேசி வரும் கமல்ஹாசன் விரைவில் கட்சி குறித்த அறிப்பை வெளியிடுவார் என்று எதிர்பார்க்கப்பட்டது. அதுவும் அவரது பிறந்தநாள் அன்று அவரது கட்சி குறித்த அறிவிப்பு வெளியாகும் என்று எதிர்பார்க்கப்பட்டது. ஆனால் கமல்ஹாசன் அதனை மறுத்திருந்தார். இந்நிலையில், புதிய ஆப் ஒன்றை வெளியிட இருப்பதாக கூறப்பட்டது.  

இந்நிலையில், நற்பணி மன்றம் சார்பில் ஏற்பாடு செய்திருந்த இலவச மருத்துவ முகாமை தொடங்கி வைத்த கமல் ஹாசன் பின்னர் சென்னை தியாகராய நகரில் செய்தியாளர்களை இன்று சந்தித்து பேசினார். அதில் அவர் பேசியதாவது,   நல்லது செய்வதையும் பண்பறிந்து வெகு ஜாக்கிரதையாக செய்ய வேண்டும். அதேநேரத்தில் நல்லது செய்தால் மட்டும் போதாது, அதை சரியாக, சரியான மக்களுக்கு செய்ய வேண்டும் என்பது குறிப்பிடத்தக்கது. நல்லதை சரியாக செய்தால் தான் அது அரசியல். அந்த வகையில் தானத்தை தவறான ஆட்களிடம் கொடுப்பது கூட ஒரு தவறுதான். 

தமிழகத்தை இயக்க வேண்டிய சக்கரங்கள் பழுதடைந்துள்ளது. பழுதை சரிசெய்ய மக்கள் ஒன்று திரள வேண்டும். மக்கள் பிரச்சனைகள் குறித்து அறிய விரைவில் தான் தமிழகம் முழுவதும் சுற்றுப்பயணம் செய்ய இருக்கிறேன். அரசியல் பயணத்திற்கு நிறைய முன்னேற்பாடுகள் நடைபெற்று வருகிறது. அதேபோல் அஸ்திவாரத்தை வலுவாக அமைக்க வேண்டிய பணிகள் தற்போது நடைபெற்று வருகிறது.  நான் அரசியல் பொறுப்புக்கு வந்தால், என்னை நோக்கியும் கேள்விகள் எழுப்பப்படலாம். தான் தற்போது நியாயத்திற்காக குரல் எழுப்பும் செயலி ஒன்றை அறிமுகம் செய்கிறேன். அதற்கு "மய்யம் விசில்" என்று பெயர் வைத்துள்ளதாக கூறிய கமல், மக்கள் பிரச்சனைகள், மக்களுக்கு கிடைக்க வேண்டிய நியாயத்திற்காக இந்த செயலியை பயன்படுத்த கோரினார். 

முன்னதாக, இது தொடர்பாக நடிகர் கமல்ஹாசன் டுவிட்டரில் விளக்கம் அளித்துள்ளார்.  அதில் அவர் கூறியிருந்தததாவத, நாளை என்பது மற்றொரு நாளே. வேலை கிடக்குது ஆயிரம் இங்கே. கோலையுங்குடியையும் உயரச் செய்வோம். வேளை வரும் என காத்திருக்காது காலையிலேயே புதுயுகம் செய்வோம் என பதிவிட்டிருந்தார்.  இந்நிலையில், திருவள்ளூர் மாவட்டம் ஆவடியில் மருத்துவ முகாமை தொடங்கி வைத்தார். அவருடன் அவரது இளைய மகள் அக்‌ஷரா ஹாசனும் பங்கேற்றிருந்தார். 

அப்போது பேசிய கமல்,  மழை நேரங்களில் தொற்று பரவ வாய்ப்பு இருப்பதால் மக்கள் பாதுகாப்பாக இருக்க வேண்டும். ஆங்காங்கே தேங்கியிருக்கும் மழைநீரை அரசு அகற்றிவருவதால் மருத்துவ முகாமை நடத்துவதாக கமல் தெரிவித்துள்ளார். மருத்துவ முகமாமை மக்கள் முழுமையாக பயன்படுத்திக் கொள்ள வேண்டும். இந்த முகமாமுக்கும் அரசியலுக்கு எந்த தொடர்பும் இல்லை.   எங்களது அரசியல் பணிகள் அமைதியாக நடந்து கொண்டிருக்கிறது. கனவுகளில் இருந்து தான் கண்டுபிடிப்புகள் உருவாகின்றன. எனவே எங்களுடைய முயற்சிகள் வலுப்பெறும் என்ற நம்பிக்கை உள்ளது.   

Label