முதலமைச்சர் பழனிசாமி தலைமையில்
13ம் தேதி தமிழக அமைச்சரவைக் கூட்டம் 

சென்னை, பிப்.12- 

வரும் 13ம் தேதி தமிழக முதலமைச்சர் எடப்பாடி பழனிசாமி தலைமையில் அமைச்சரவைக் கூட்டம் கூடுகிறது.
அ.தி.மு.க.வின் 5 ஆண்டு கால ஆட்சி வருகிற மே மாதம் நிறைவடைய உள்ளதால் இந்த ஆண்டு இடைக்கால பட்ஜெட்தான் வருகிற சட்டசபை கூட்டத்தில் தாக்கல் செய்ய முடியும். சட்டசபைக்கு பொதுத்தேர்தல் நடைபெற உள்ளதால் இப்போது தாக்கல் செய்யப்பட உள்ள பட்ஜெட்டில் மக்களை கவரும் வகையில் பல்வேறு புதிய அறிவிப்புகள் இடம்பெறக் கூடும் என தெரிகிறது.
இந்த 6 மாத கால இடைக்கால பட்ஜெட்டில் என்னென்ன முக்கிய அம்சங்களை இடம்பெற செய்யலாம் என்பது குறித்து ஆலோசிக்க அமைச்சரவை கூட்டம் கூட்டப்படுகிறது.
இந்த நிலையில் தமிழகம் வந்த தேர்தல் ஆணையக் குழுவிடம் தேர்தல் வாக்குப்பதிவை ஒரே கட்டமாக நடத்த வேண்டும் என தமிழக அரசியல் கட்சிகள் வலியுறுத்தியுள்ளன. அதே போல 80 வயது மேற்பட்டவர்கள் தபால் வாக்களிக்க அதிமுக ஆதரவு அளித்துள்ளது.
இந்தநிலையில் வரும் 13ம் தேதி தமிழக அமைச்சரவைக் கூட்டம் கூடும் என தெரிவிக்கப்பட்டுள்ளது. முதலமைச்சர் பழனிசாமி தலைமையில் வரும் 13ம் தேதி நடைபெறும் அமைச்சரவைக் கூட்டத்தில் இடைக்கால நிதிநிலை அறிக்கை தொடர்பாக ஆலோசனை செய்யப்படும் என தகவல் வெளியாகியுள்ளது.